Adobe After Effects 好堅

Adobe After Effects 呢款軟體實在好利害，只要有心機做，都可以做出好野出來。

唔知你有無試過咁樣呢

咁樣同個細路玩，有無試過??

手機越來越多 MMORPG

一向點都有一兩隻MMORPG裝在平板上，在 Google Play 上又找到隻暗黑獵魂，都係個幾款職業狩魔獵人、野蠻人、 武僧、秘術師，手機或平板玩遊戲，個人覺得重點係最緊要唔好咁複雜，組隊易，暗黑獵魂玩落都OK既，免費遊戲，要勁既話就要代價了。

https://play.google.com/store/apps/details?id=com.ucube.cmge.hha&hl=zh-TW

暗黑獵魂的影片

小孩今年要讀幼稚園了。。。

小孩今年九月就要讀幼稚園，記得 2013 年尾既時候，讀邊間幼稚園還未有定案，身邊好多小孩將讀幼稚園既家長，都為小孩撒網式報多間幼稚園，最多既有18間，當時我既反應係 "咁誇張???"

到咁上下日子，身邊朋友提醒我要為小孩報讀幼稚園，好啦，咁就搵資料睇下幾時接受報名，下載報名表填資料呀整回郵信封咁，第一間去到就話比你聽，其實已經無位，你可以後補排隊，開始了解到問題既嚴重。

算啦，開始搵第二間，又填資料後到接受交表日去交表，嘩~~排長龍呀，制水咩，一排就三小時，好啦，總算交左表，等消息，但開始擔心小孩無幼稚園讀。

要搵多幾間先得，又再下載填表咁，係日曆記下幾時要交表，個手機行時曆未試過記咁多野，又要請假排除，都咪話唔得人驚。

好啦，開始收到信去面試，又要請假，好多學校約成批家長一齊面試，學校方面就人強馬壯咁觀察小孩既表現，仲誇張過去見工。

埋尾計一下，總共報左十二間，最後只得一間收，仲係後補，又要搭車先到，未來小孩幼稚園既幾年，大人小孩都要早起搭車返學，辛苦哂。

太小既小孩一定要貼身睇實

仲記得我個小孩6個月大後，除左佢訓左覺外，其他時間我都係寸步不離，因為始終太細個，唔知咩係危險，就算佢知道咩係危險，遇到既時候都未必識得解決，一個不留神，隨時發生番唔到轉頭既事，就好以下面條片咁。

Facebook 唔知又做咩事

在 Facebook 睇睇下野，突然睇唔到，無事先通知，咁大間公司都有咁既事，唔知想點，唔通又比人攻擊??

更新 16:28 查看一下又無事。

類似 HTC ONE M8 Dot View Case

一直有留意淘寶的 HTC ONE M8 Dot View Case ，幾乎每隔幾日就又找到更平的買家，今日又找到個類似的 Dot View Case ，如下圖左邊中間沒有 htc 字樣的洞洞套，未計運費只賣 78 人仔，不過感覺只係類似 Dot View Case，因為看上去好似好粗糙。

日本gamarjobat，再睇都覺幾搞笑

好耐以前已經睇過 Gamarjobat 呢個組合，做既野好底能，但再睇又可以輕鬆一下。

Gamarjobat 官方網

呢個星期一直頭痛，原來...

無上網幾日，一返到屋企忙完就訓，一直頭頭，幾乎每日下午就開始頭痛，點解呢點解呢???又唔係太想食止痛藥，搵左好耐，終於知道點解，原來我每日下午都會飲綠茶，用茶包沖o個隻，近排無飲又唔痛喎，唔知關唔關事呢??

MMORPG 失落之星，好似幾好

手機遊戲可能太過方便，搭車玩又得，大便玩都得，我都無玩電腦遊戲好耐了，一向都總會有一兩隻 Online 遊戲係平板度，失落之星又係一款唔錯既 MMORPG 遊戲，我玩既係 Android 版。

個人覺得 MMORPG 其中一個重要因素，就係要組隊容易，要有實時既多人組隊，之前一隻暗黑戰神，在多人實時上玩法就較少了，所以玩了一陣子就沒有玩，說回失落之星，最多8人組隊打副本，隨時可以玩，剛開始玩。

https://play.google.com/store/apps/details?id=tw.com.omg.lis.and.omgbar&hl=zh-TW

失落之星的影片

大螢幕手機要單手控制??無難度!

手機螢幕越出越大，要單手控制，其實唔難，日本一個好有創意既產品，假手指，套入指公度，令指公加長15mm，單手瀏覽網頁睇片無難度，唔知點解，睇完笑左。

就咁睇圖個款好似成人用品

HTC ONE M8 相片集程式更新

HTC ONE M8 內建的相片集程式有更新，可以在 Google Play 中更新，更新使用 htc ufocus 編輯相片時可以調整模糊程度，如下圖左方多了一條bar，可以使用這條bar來調整模糊程度。

https://play.google.com/store/apps/details?id=com.htc.album&hl=zh-TW

用小孩做一陣運動先

小孩既其中一個用途，就係用呢做運動，好似下面影片咁，如果每日做幾分鐘，應該都幾有效。

小孩成日流口水，又出牙了嗎??

小孩兩歲半(30個月)，近日成日流口水，又唔係太食野，脾氣又古古怪怪，唔通出牙了嗎??想睇下又唔係咁易，不過一定要搞清楚係病定係出牙。

http://www.toothclub.gov.hk/chi/pnc/pnc_2_1_1_1.html

幾款 HTC ONE M8 花紋包膠有興趣嗎?

一向喜歡將手機包膠或裸跑，通常新手機會裸跑，如果兩三個月內部手機花哂，就會考慮包膠，Galaxy S2、HTC ONE X 和 HTC Butterfly 我都曾經包膠，今時今日，包膠已經唔同以前得透明可以包，下面影片幾款花紋包膠好似幾好。

夏天，為冷氣機帶來滴水......

又到夏天，尤其今年，熱到嘔，相信好多人同我一樣，都已經開冷氣訓覺，但我樓上就有冷氣滴水問題，這個問題實在今人困擾，先作出勸喻。

雖然法例有對冷氣機滴水作出監管 (相關新聞)，根據《公眾衛生及市政條例》（第132章），任何人士沒有在《妨擾事故通知》所指明的期限內遵從通知的規定，即屬犯罪，最高可被處罰款10,000元，另加每日罰款200元。

但實際要知道，查冷氣機滴水其實很困難，既要在正在滴水途中才可調查，落雨既話又查唔到，只有在正常天氣而有些在晚間10點後才開冷氣，要知道晚間要找一個有利位置查出真正滴水單位，並唔容易。

到真正查出滴水單位，作出勸喻，如果滴水單位合作當然好啦，如果唔合作，勸喻後一段時間後仍然滴水，再交涉後，最終去到食環署再跟進，可能已經過了夏天，滴水單位唔開冷氣無滴水就結束投訴個案，一年拖一年，問題仍未解決。

冷氣機滴水，可能滴水單位沒有檢查而並不知情，先以包容既心態作出勸喻，當然，勸喻後就無可能以唔知情作借口，盡快作出維修，因為冷氣機滴水，除了造成 "滴答" 的噪音外，也可能會弄濕下層住戶晾曬的衣物，加上積水會蚊蟲滋生，影響周圍環境。

教育係重要既......

睇到蘋果日報深圳沙灘 三日留下362噸垃圾，了解到教育係重要既，今年端午節我都帶了小朋友去沙灘玩，玩完後都會自行清理垃圾。

雖然小朋友得兩歲半，也會叫小朋友將一些細小垃圾放進垃圾筒，唔好整污糟D地方。

如果每個人都做好D，個世界都靚D。

紅鸛 - 喜道理農場

早前一家大細去喜道理農場，也是我買 HTC ONE M8 無幾耐，就用來拍下嘉道理農場入面既紅鸛，咁靚既紅鸛，唔知食唔食得既呢??

生小孩，影響夫妻感情嗎???點算呢??

由太太懷孕開始，就係一個喜悅既時間，一起去睇婦科，一起去睇嬰兒用品，為了將會多了一個屋企人做準備，諗番起都開心同甜蜜。

不過當小孩出世後，甜蜜情況開始慢慢改變，照顧初生嬰兒令夫妻多了大量工作，日夜不停無覺好訓，家務工作和照顧嬰兒既方向，兩夫婦有不同意見加上疲累容易出現爭吵，漸漸夫婦變得冷淡，要如何令一個家庭變回開心同甜蜜呢??

自己曾發生這個問題，原來和朋友閒聊，很多有小孩既朋友都有這個問題，有的朋友更說想離婚，看來緊張既都市生活加上忙碌既家庭，令不少夫婦關係變得緊張。

夫婦之間既感情，我唔係專家，所以其他人唔講，講一下我自己，由小孩出世起，初生嬰幾個小時無分日夜就要食奶，食奶後又要掃風換片洗奶瓶等等，之後再觀察嬰兒一陣怕佢嘔奶，休息一陣個嬰兒又喊，之後又再重複食奶掃風換片......

Android 股票app，我用呢隻

用手機睇股票，最好有即時報價、無限制增加股票和可備份資料，最重要當然要免費，試過一些 Android 股票程式，一直用到現在的只有 "香港股票" 這隻app，雖然唔係完美，但就有齊即時報價、免費、無限制增加股票、可設置不同群組股票、資料備份到手機、瀏覽股票相關新聞和股票資訊等，只是介面唔係太華麗。



https://play.google.com/store/apps/details?id=daveyfong.hkstock&hl=zh-TW

HTC ONE M8 DOT VIEW CASE 好嗎??

用左 HTC ONE M8 約個幾月，一直沒有用保護套裸跑使用，唔係因為 HTC ONE M8 係金屬外殼，而係一向用手機都無用保護套，用左都好快就唔用，就算包左膠都係好快又唔用，見到 HTC ONE M8 DOT VIEW CASE，好似又有一些吸引力，不過就係唔肯買。

香港單價三百幾，淘寶平D，但又難分真定假，再講以我為例，最快幾個月，最耐都係一兩年滿約又會續約換機，所以幾百蚊買個保護套番呢如果唔鐘意用又好似無咩意欲去買，不過問心嗰句，如果 HTC ONE M8 DOT VIEW CASE 一百蚊以內會立即買.......

Shadow Fight 2 暗影格鬥2 幾好玩

很少在手機或平板上玩格鬥遊戲，Shadow Fight 2 暗影格鬥係其中一款令我在平板上想玩的格鬥遊戲，遊戲以單機對電腦，打完有錢可升級角色，遊戲特色係玩家和對手都是一個黑影，一般對戰三盤兩勝制，另外還有生存模式，即是一條生命一次過連續打人，打得越多人得到既錢就越多。

操作方面就得一個方向和一個手一個腳，以指令可組合出一些特別動作，遊戲內有指令說明可參考，整個遊戲動作有點慢，但就玩落感覺不錯，免費遊戲仲有中文。

https://play.google.com/store/apps/details?id=com.nekki.shadowfight&hl=zh-TW

Shawdow Fight 2 的影片

麵包機症候群 暴肥增3成....

剛剛睇到呢段新聞，又啱啱太太買了一部麵包機，近排早餐幾乎日日食由麵包機整既麵包，每次太太有新款式既麵包，都會先早一晚整一個比我們"試食"，無問題之後再整多個第日早餐食，影哂相放上 Facebook 呀 Whatsapp 群組就係指定動作。

咁食法會好肥嗎????暫時就唔知，但就真係幾好味......

麵包機症候群暴肥增3成

昨日玩 Samurai Siege ，遇到....

玩 Samurai Siege 加入左一個聯盟，每星期六都會開戰，其他時間休閒，適合返工人士玩，記得之前加入一個聯盟，要我兩天內交最少九百分，要返工既我當然做唔到呢個分數，好快就被踢走。

說回正題，昨天玩 Samurai Siege ，就遇到一個好有趣既對手，好似下圖咁，設計成一句 Take my loot，仲有五十幾萬錢可以打，當時立即就打了....

https://play.google.com/store/apps/details?id=com.spaceapegames.samuraisiege&hl=zh-TW

高登係一個好特別既地方

高登討論區，見過好多人想建立一個類似既討論區，但都好似唔太成功，應該唔係技術上既問題，架一個討論區啫，其實唔難.....

難既係無咁既用戶，最起碼，我係其他討論區，睇唔到好似下圖既畫面，但係高登，就成日見到.....

這個影片叫"人類史上最大的騙局"，真的嗎?

最近不知由邊個網站，看一下連結，又按一下連結，睇到下面這個影片，講人類史上最大的騙局，關於經濟，入面提到既美聯準係咪聯邦儲備系統，約三十分鐘，全看完，結論係，經濟既野，識條春咩。


另外一個影片也有相關的說法......

今天有朋友問，究竟生不生小孩好呢??

生唔生子孩呢個問題，身邊一個朋友想了很久還沒有決定，男女都30到尾接近 40 歲，女人到左呢個年齡要生就要決定了，究竟生唔生好??我的孩子兩歲多，就說一說個人想法吧。

首先要問自己，喜不喜歡有自己既子孩?如果不喜歡，那麼也不用說，因為唔鐘意小朋友，只會覺好煩好煩，但係如果鐘意小朋友，咁就係一件好開心既事情，因為一旦作為父母，由個小朋友出世開始，你每次出街都要遷就小朋友既生活作出安排。

錢銀事小，教育事大，所謂 "平有平玩，貴有貴玩" ，有錢當然好啦，不過難道無錢就唔可以有小孩?? 有無錢都好，反而係做父母肯唔肯付出時間同去以身作則去教育小朋友，唔好令一個小朋友變成 "阿柴"。

LG G3 發表了

LG G3 已經發表了，一些網站更已有 Hands-on 睇，1440 x 2560 5.5吋 2K 螢幕，可換電、無線充電和插記憶卡等都係韓國常有既特色，1300萬相機 + 雷射對焦等等，吸引嗎?

LG G3 對比 2014 頭輪旗艦機 Galaxy S5 和 HTC ONE M8 等，比我既感覺只係 OK 啦，不過就最討厭一樣事，和好多手機一樣，又分咩 16 / 32 GB呀，咩 2 / 3 GB Ram 版本咁，點解唔統一只出一個版本??

LG G3 的規格 (GSM Arena)

LG G3 官方影片

Samurai Siege 好玩的COC類型遊戲

COC (Clash of Clans) 類型遊戲都試過唔少，其中 Samurai Siege 算是玩得最耐同覺得好玩的一款，Samurai Siege 日本風格類型，比較唔同既係，Samurai Siege 除了 COC 類型中常見 PVP 模式外，也要注重內建的任務過關。

因為玩家需要過了內建任務，先可以得到新的兵種，另外如果玩係聯盟既發起人或高級會員，可以定期發起戰爭，除了特別事件外，一般戰爭發起後會隨機和其他三個聯盟鬥高分，最高分既聯盟可以得鑽石。

兵種和防塔除了升級外，也可以選擇不同武器，令玩家的城堡有更多配置，所以呢，識玩既一定玩 Samurai Siege。

https://play.google.com/store/apps/details?id=com.spaceapegames.samuraisiege&hl=zh-TW

Samurai Siege 遊戲的影片

好想講下香港仔同鴨脷洲呢個地方

鴨脷洲，呢個地方我一出世就住响度，記得那時沒有鴨脷洲大橋更沒巴士，沒有鴨脷洲西邨，只有木屋同住家艇，人大了，結婚有小孩了，一早已搬到新界住，最近在老媽家看到一些以前的照片，從老掉了的記憶找回這個地方既從前。。。

從網上找到一些從前香港仔既圖片，前無咁繁榮，但唔知點解感覺好靚。

呢張係咩年份?? 利東邨都未起，海怡仲係發電廠。

Android 又有足球經理遊戲 PES MANAGER

又一個足球經理遊戲，這次係由出名的 KONAMI 出品既 PES MANAGER，玩既係歐洲聯賽球員，係以卡牌形式進行，比賽時用3D進行，最最最感動既係遊戲時竟然有廣東話。

第一次進行遊戲時，可以抽一次卡，唔滿意可以即時再抽過先決定開始遊戲，不需重設資料，這點做得唔錯，我就抽到有一張四星先開始遊戲。

遊戲就不外乎抽卡、強化、比賽和交友等，組成強大的球隊。

PES MANAGER 係免費遊戲。

https://play.google.com/store/apps/details?id=jp.konami.pesm&hl=zh-TW

PES MANAGER 影片

HTC ONE M8 丟落地又丟落水再打幾槍咁想點??

好地地一部手機，將佢丟落地又丟落水，都算啦，但係好似下面影片咁，將手機 HTC ONE M8 用狙擊槍打幾槍，好啦，打穿左啦，狙擊槍喎，實穿啦，你估水槍咩!!

今日公司個電郵壞左，先發覺。。。

公司一向依賴電郵作主要與國內廠房溝通既方法，今日全日電郵竟都不能收發，電腦部回應說還要再整一陣子，那怎麼辦?? 這麼安靜好唔習慣呀!!

電郵有問題，同事們開始溝是非，先知道原來公司係上年有一個高層部電腦中左毒，先開始為各同事安裝防毒軟體和設置限權，再知道好多同事既屋企人既公司，一樣無安裝防毒，先發覺香港好多公司既安全等級係好底既。

更奇怪既係，同電腦部既同事講開，原來公司只有一個公用硬碟，係無備份既，即係個公用硬碟一壞左，公司好多資料都會唔見，到時只有睇下同事各自既電腦中有無留底。

連同國內同事，公司超過一百人文職人員，已高度依賴電腦和網絡，但對資訊的安全性竟可以如此薄弱，就算我屋企部電腦都會定期備份啦。

咩呢架，哦~~原來係一個國家....

最近睇到一篇文章，講下圖原來係一個國家，叫西蘭公國 (Principality of Sealand)，根據維基說明西蘭公國常住人數不會超過五人，五個人其實只可以叫做一個小組，所謂三五成群.......

http://zh.wikipedia.org/wiki/%E8%A5%BF%E5%85%B0%E5%85%AC%E5%9B%BD

HTC ONE M8 今個星期又再次有更新了

我的 HTC ONE M8 上次5月19日晚更新後，今日5月23日又有更新了，今次版本是 1.60.708.2 ，上次是 1.60.708.1，剛更新完試了一下，上次的相機防手震同 HDR 沒反應的問題已解決了，應該可以放心服用。

暗黑戰神，又一隻唔錯既 3D 動作遊戲

標著 "封測不刪檔" 的暗黑戰神 Android 遊戲，3D Online 動作遊戲，可選四種職業狂戰士、暗殺者、魔箭手和妖術師其中一種開始遊戲，玩了一陣子，感覺遊戲很爽快，畫面華麗，沒有太多設置，現時有些功能還未開啟，但感覺不錯。

https://play.google.com/store/apps/details?id=com.ahzs.tw&hl=zh-TW

eBay 被駭，真係煩呀

睇睇 2014年5月22日 既新聞，eBay 被駭，剛剛無幾耐前睇完一單 Google 帳戶被盜既新聞，又有一個大型網站 eBay 帳戶出現帳戶問題，實在可怕，尤其這些可以隨時在你帳戶內作出交易的帳戶，被其他人入左去就好大機會造成損失。

剛入到 PayPal 網站，在PayPal香港站找不到有類似雙重認證的功能，也不像淘寶要在電腦中安裝安全插件才可以付款，感覺 eBay 和 PayPal 好像不夠安全，實在令人擔心。

https://hk.news.yahoo.com/%E5%85%A8%E7%90%83%E7%96%AB%E8%8B%97%E6%B3%A8%E5%B0%84%E8%A8%88%E7%95%AB-%E5%8B%9F75%E5%84%84%E7%BE%8E%E5%85%83-023700870.html

有 LG G3 的規格睇下

LG 近年好像由 LG G2 開始有不少好評，家人也有人用緊 LG G2 同 Gpro 2，令人開始留意一下 LG 手機的消息，最近上網睇睇有一幅寫著 LG G3 的官方規格圖，睇落唔係太差，但就無咩驚喜。

裝左個電視分配器，都OK既

用緊電視既型號係 Sony W670a ，無錄影功能，最近太太想要錄電視，買左個機頂盒來做錄影，因為電視天線要經機頂盒再出電視，咁每次睇電視都要開機頂盒又要開電視先可以睇，都幾煩，因為唔係成日錄影，所以想做個天線一開二分開電視一個機頂盒一個。

先從最簡單方法試，用幾蚊買左個好似下圖既 T 字的一開二試下，結果電視同機頂盒都只收到 TVB ，仲要起哂格，有時畫面停埋，相信用呢種一開二之後電視訊號變得非常差所致，完全唔得，要試試其他方法了。

有朋友建議加放大器，但加放大器又要比多個插頭供電，所以先再試其餘方法，唔得先再諗 放大器，買一個如下圖的分配器，再買一條 RG6U 線，因為電視同機頂盒都好近天線，RG6U 線只買左一米就夠，再買多幾個 F插，天線頭。

成本 Seebest 一開二分配器 HKD 20，RG6U 線 1M HKD 8，三個 f 頭 HKD 15，三個普通天線頭 HKD 12，共 HKD 55，就咁整完就平平地電視同機頂盒都可穩定接收電視。

唔知點解，Blogger 中找不到"最新留言"的小工具

留言對一個 Blog 都幾重要，不過唔知點解，我在 Blogger 版面設置中找不到可加入的最新留言的小工具，要自己手動加入，方法就是加入一個"資訊提供"的小工具，網址格式是:

你的 blogger 網址/feeds/comments/default?alt=rss

Google 帳戶被盜，見好多被人碌左幾千蚊咭!!!

近日係高登睇到一篇有 Google 用戶被人 hack 左個帳戶，係 Google Play 入面碌左幾千蚊咭，睇到都覺得好得人驚，今時今日，網絡上既帳戶入面有好多重要資料，如信用咭，身份證明資料等，比人盜用既話，追得番都好煩，追唔番更可能損失慘重。

好以 Google 同 PayPal 這些帳戶，要買野話咁易，係方便但如果唔設置好安全性就會好唔安全，例如設置 Google 既兩步驗證，例如我所有網絡上既重要帳戶都做哂可以提供比我用的安全性設置。

http://www.google.com/intl/zh-HK/landing/2step/

兩步驗證其實原理好簡單，當有人用你未受權的裝置登入你的帳戶，就會用 SMS 或打電話比你，比一個驗證碼要你輸入後先完成登入，咁其他人無你既手機就睇登入唔到你個帳戶，可能會煩 D，不過比人盜用左仲煩。

我認見識小，原來有隻遊戲係波多野結衣做代言人

近日悶悶地，拿起平板到 Google Play 逛逛，找到隻遊戲由日本人氣愛情動作片演員"波多野結衣"做代言人的遊戲 --  神鬼幻想，說回遊戲，OK 既，3D 動作，組隊、寵物和PK等常見玩法都有，畫面精美，剛剛開始玩，感覺唔錯。

圖片來自神鬼幻想 Facebook

神鬼幻想 Google Play 連結
https://play.google.com/store/apps/details?id=tw.pwrd.projectx.iwplay

呢隻遊戲由波多野結衣做代言人，唔通希望睇開愛情動作片既朋友玩?

神鬼幻想的影片

HTC ONE M8 又有更新

2014年5月19日晚，HTC ONE M8 又有更新，版本號 1.60.708.1，更新訊息如下圖，我已更新完，沒有什麼問題。

5月22日更新，更新到這個版本後，發現相機 HDR 和防手震影相無反應，希望 HTC 快些搞掂佢啦。

一直想找這款吸塵機的資料，但資訊好小啊。

最近想買一部無線吸塵機，但幾個朋友用一些無線吸塵機，都有電池在使用一段時間後，吸塵機的使用時間不斷減少既問題，到保養換電一係無貨要等，一係又要檢查叫佢放底部機，一等就成個星期先覆，所以可自己換電係買無線吸塵機的考慮之一。

在網上找到一部 BOSCH GAS 18v Li 手提式無線吸塵機，BOSCH 這個牌子，工業用工具之中都係常見的品牌，這部吸塵機既 18v 電池係可以同 BOSCH 的工具共用，有 D 五金鋪都有得買，也可以自行更換，而且機身細小，方便收藏。

對呢部無線吸塵幾有興趣，不過在網上能找到的資訊真係非常之小，只有在 BOSCH Australia 的官方網站有小小資料可以睇下，認識既人更無人知有呢部機，感覺 BOSCH 好似無出過呢部機咁。

BOSCH GAS 18v-Li 的一段影片

用左 HTC ONE M8 成個月啦

一個月前，剛好滿約，就續約出機 HTC ONE M8，用了一個月，感覺良好。

HTC ONE M8 的電池續航力感覺十分不錯，因為我都用平板打機，所以唔用手機打機，义電過夜，早上7點到晚上約8點回到屋企，其間會聽歌、Whatsapp、上網同影相拍片，仍然會有約 50% 電，算係咁啦。

影相方面，Ultrapixel 400萬，影相速度快，成像唔放大睇，OK既，Ufocus 功能，玩下唔錯，唔好咁認真，拍片慢動作可以去到720p，不過無聲，整體覺得 HTC ONE M8 相機唔算好強，但都唔係好差既，好似我咁，成日都會用呢影我個細路， 我對 HTC ONE M9 相機係收貨既。

你的另一半回來了，你會落街接他嗎?

我和我太太由相識、拍拖、結婚到有小孩，一起住在一起也有十年，每次我太太回家打電話比我，都會放下手邊事情，落街接他或他們(多了小孩後)回家，不知不覺已成為習慣，不覺得是什麼事，都這麼多年了。

為什麼會想起這種事?? 因為最近和朋友講電話時，一段幾有趣既內容。

朋友: 做緊咩?
我: 落街接太太回家。
朋友: 今日係咩特別日子? 要落去接佢?
我: 無，每次我太太打電話比我話就落車，我都會去接佢。
朋友: 咁唔阻住你啦，Bye..

這段對話，令我想起原來多年前我太太同我講，呀邊個邊個話當兩公婆老夫老妻之後，就唔會再落街接另一半啦，我話唔會。。。。。

就係因為呢個 "唔會" ，係我心入面對自己既一個承諾，除了兩三次我病得起唔到身外，都會做 "落街接另一半" 呢個動作，由屋企行到太太落車既地方，大約要行十分鐘，來回約二十分鐘，如果接埋小孩，行下停下，就要約三十分鐘。

不過係呢個時間入面，大家講下大家發生既事，一邊行番屋企，雖然放工後都幾攰，但我就覺得係兩公婆既一個良好溝通時間。

忽然再想下去，如果當年唔 keep 住做呢樣野，會唔會兩公婆各自各回到家，只有各自各忙而欠缺溝通呢? 又或者我一早已經要訓梳化??

唉，學校又有手足口病

近日，小孩學校又有同學仔有手足口病，記得子孩幾個月大時，係親戚度中左手足口病，持續發燒、口人面有粒白色野、喉嚨痛每晚訓覺時喊下訓下同成日嘔，無哂活力，大人細路都無覺好訓。

宜家小孩兩歲半，同樣都係手足口病，情況好好多，喉嚨入面有少許潰瘍，小腿有幾粒白點，有少少發熱但係就未到發燒，唔同既係仍然好有活力，好似走地雞咁四圍走。

關於手足口病的資訊
衞生防護中心- 手足口病

房燈壞左，開左先知原來轉用了 LED 燈...

上年先裝修完間屋，早排房入面個燈壞左，開呢睇下先知原來裝修時用左 LED 燈都唔知，類似下圖個款，未換過呢種燈唔識搞。

唯有出鴨記睇下問下，原來好簡單，換燈換火牛，搞掂。

悶悶地，玩番呢隻遊戲啦不如~~

雖然幾乎每日都有手機遊戲新出，不過好玩既真係無幾多隻，好多遊戲我安裝後只玩一陣就移除了，其中一隻有 Keep 住玩既就係 Android 版 Online RPG Avabel 的 3D MMORPG。

日本開發既免費遊戲，已有台灣中文版，玩法係好傳統既 MMO ，有勇士、盜賊、創造者、遊俠、魔法師和祭司六種基本職業，五十級後可轉職，以手機來說畫面華麗。

沒有現時手機遊戲的體力限制，有時間既話玩幾耐都得，升技能、加點數、整理裝備等等好傳統的MMO，有種好懷念以前係電腦玩網絡遊戲既感覺。

Google Play 的連結

同小朋友假期無野做，搵嘉道理啦...

假期同一個兩歲多既細路可以去邊? 選擇去嘉道理農場都係一個唔錯的地方，搭港鐵去到錦上路再坐64K好快就到，有花早樹木，又有動物睇，可以比小朋友接觸大自然，不過只係三個鐘行左半個農場，小朋友就攰到訓著左，嘿!! 細路仔即係細路仔。

嘉道理農場網站
http://www.kfbg.org.hk/kfb/homepage.xml