今天有朋友問，究竟生不生小孩好呢??

生唔生子孩呢個問題，身邊一個朋友想了很久還沒有決定，男女都30到尾接近 40 歲，女人到左呢個年齡要生就要決定了，究竟生唔生好??我的孩子兩歲多，就說一說個人想法吧。

首先要問自己，喜不喜歡有自己既子孩?如果不喜歡，那麼也不用說，因為唔鐘意小朋友，只會覺好煩好煩，但係如果鐘意小朋友，咁就係一件好開心既事情，因為一旦作為父母，由個小朋友出世開始，你每次出街都要遷就小朋友既生活作出安排。

錢銀事小，教育事大，所謂 "平有平玩，貴有貴玩" ，有錢當然好啦，不過難道無錢就唔可以有小孩?? 有無錢都好，反而係做父母肯唔肯付出時間同去以身作則去教育小朋友，唔好令一個小朋友變成 "阿柴"。

生唔生小孩呢個問題，其實都曾經令我諗左好耐，因為我了解一旦有小孩後，整個生活將會出現重大轉變，尤其有小孩既頭幾年，需要貼身照顧，所以要調整自己既心態，迎接多了一個屋企人，將會好忙。

至於我要小孩既原因，人生在世最重要既係屋企人，一直希望有自己既家庭，直至聽了一個老人說 "當你老了，你的父母都走了，或者你的老伴都走了，得你一個人的時候，你的兒女又未必會照顧你，但你總會有個希望你的兒女會打個電話給你，又或者來到看你，但如果你沒有兒女的話，你將會連這個希望也沒有了" ，就這樣子，決定要小孩了，反正有小孩又有什麼好怕呢。

也將這番話告訴了朋友，當然，決定生不生小孩係兩夫妻既決定，兩夫妻以外既人沒有資格幫忙決定，因為就算生不生小孩，影響最大都是兩夫妻。