由太太懷孕開始，就係一個喜悅既時間，一起去睇婦科，一起去睇嬰兒用品，為了將會多了一個屋企人做準備，諗番起都開心同甜蜜。
不過當小孩出世後，甜蜜情況開始慢慢改變，照顧初生嬰兒令夫妻多了大量工作，日夜不停無覺好訓，家務工作和照顧嬰兒既方向，兩夫婦有不同意見加上疲累容易出現爭吵，漸漸夫婦變得冷淡，要如何令一個家庭變回開心同甜蜜呢??
自己曾發生這個問題，原來和朋友閒聊，很多有小孩既朋友都有這個問題，有的朋友更說想離婚，看來緊張既都市生活加上忙碌既家庭，令不少夫婦關係變得緊張。
夫婦之間既感情，我唔係專家，所以其他人唔講，講一下我自己，由小孩出世起，初生嬰幾個小時無分日夜就要食奶，食奶後又要掃風換片洗奶瓶等等，之後再觀察嬰兒一陣怕佢嘔奶，休息一陣個嬰兒又喊，之後又再重複食奶掃風換片......
基本上一天連續訓覺既時間最多一小時，個人開始變得容易煩燥，對每件事變得執著，欠缺包容，說話態度語氣也較差，令太太變得難受，因為這樣對人，相對太太也會這樣對待我，夫妻間感情大不如前。
當時我發覺夫妻間感情唔係太好，我應該好好管理自己既情緒，或許是太疲累，又或許太煩燥，點都好啦，叫太太或家人照顧一下孩子，休息一下，好好睡一覺，又或去街玩下。待精神回復一些後再忙，相對，當覺得太太情緒變得煩燥時，我會叫太太去街訓覺點都好，孩子先由我照顧，大家都义一义電回一回氣。
覺得呢個方法好似幾好，由小孩約一歲開始留意並管理情緒，現時孩子兩歲多，看見一路路控制好情緒，夫妻間感情也漸漸好轉，畢竟一家人齊齊整整外，都要開心先得架。
沒有留言:
張貼留言